Nr. 1—8.
dat we noch use nakomelinghe se unde de ore dar nenerleye
whis mer umme beswaren noch bescaden eder bededinghen scullet
unde willet, went we mid rade, witschop unde willen user overen
hir weder vülle wederstadinghe vor alle disse stucke van on ent-
fanghen hebbet. Unde umme usen keller darsulves, so dat se
dar ene muren dor henleeghen unde muren moghet van deme
negesten orde unde ecghe des neghesten openen vensters, dat
neghest orer statmuren is unde lucht in dissen sulven keller
drecht, desulven muren to richte dor den keller hen like whid
unde‘ bred dor den ghank hen, de nu in den benomden keller
gheyt, so dat dit sulve benomde venster sin rum unde lucht jo
beholde. Wat rumes den thwischen der unde orer olden stat-
muren is, dat moghet se vüllen unde hoghen to orer bequemecheyt.
Unde de..rad scal os de dore in den keller, dar me ut unde
in ghan moghe to useme huswort weder maken laten. Disse
muren, vüllinghe, hoghen unde dore vorbenomd mach de .. rad
maken laten wan he wil, erst he Hanses Bockes und siner hus-
vruwen willen darto hebbe. Konde de .. rad ores willen darto
nicht irwerwen bi oreme live, so mach he dat maken laten ane
wedersprake user unde user nakomelinghe na dode Hanses Bockes
unde siner husyruwen vorbenomd. Ok mach de ..rad tomaken
unde vorwerken de porten, de ut useme benomden hove gheyt
in den wech bi orer statmuren, wanne se anderen oren borgheren
vorwerket unde tomaket ore porten, de ok in densulven wech
ghat. Dat dit ewich unde vast blive, so betuch we it mid usen
inghezeghelen. dar we dissen bref witliken mede bezeghelt hebbet. .
Unde we broder Enghelhard abbet to Amelunghesborne unde
broder Diderik abbet to Redagheshusen bekennet unde betughet
in dissem sulven breve openbar under usen inghezeghelen, dat
we disse vorbescerevenen stucke ghededinghet unde!) usen willen
unde vülbort darto ghegheven hebbet.. Unde is gheschen na
goddes bort dusent unde drehundert jar in deme en unde seven-
teghesten jare, des neghesten sonavendes vor sinte Fabians unde
Sebastians daghe.
Or. im Stadtarchiv zu Hannover, 97,2. Die vier Siegel wenig beschüdigt.
4. Papst Gregor XT. verleiht ein Kanonikat mit Präbende im
Dom zu Camin und das Vizedominat dem Priester Bernhard von
1) unde fehlt im Or.
