| 35
345
scullen unde denne don, To grotter wysheyt alle dusser dinghe
so sette ek on seven borghen, Were dat der ihenich afstorve, alse
dicke alse dat ghescude so scolde ek unde wolde on eynen
anderen also guden in syne stede setten binnen den neghesten
yerteyn nachten, wan ek darumme ghemanet worde, to lovende
in synem sunderken breve, dat he lesten scolde unde wolde
unde holden in aller wis alse dode borghe scolde ghedan heb-
ben, icht he ghelevet hedde, wan he umme ghebrek ghemanet
worde; unde darmede scal. dusse bref al lyke vulmechtich bliven.
Alle dusse vorscreven stucke unde jowelk besundern love ek
Herman van Goddenstede dem domproveste, dem dekene, dem
scolemestere unde deme capitele in dussem breve under mynem
ingheseghele stede unde vast to holdende in guden truwen,
Unde we Herman van Hymdesdor, Arthus van Boltessem, Hin-
rik Bok, Wilken van Boltessem, Borchard van Goddenstede
Bochardes sone van Goddenstede, Jan van Meyenberghe unde
Asschwin van den Roden knapen bekennet, dat we dem dom-
proveste, dem dekene, dem scolemestere unde!) dem capitele to
Hildensem lovet hebbet unde lovet in dussem openen breve under
usen ingheseghelen in guden truwen myt samder hant, wer, dat
on ihenich breke schude an dem, dat hyr vorscreven is, unde
wy darumme ghemanet worden sament eder besunder, dat wi
scullet unde willet binnen den neghesten verteyn nachten alto-
hand na der manighe inryden in de stad to Hildensem unde dar en
recht inlegher to holdende unde nene nacht van dennen to we-
sende, dat ghebreke en sy on al irvullet eder wey deden dat
myt orem guden willen, unde hebbet to bekentnisse alle dusser
dingh use ingheseghele ghehenght an dussen bref. Ghegheven
na goddes bord dusent jar unde drehundert jar in deme twe
unde achtigesten jare, des anderen sondaghes na paschen.
Or. im Kgl. St.-A. zu Hannover, Domstift Hildesheim Nr, 991. Die
acht Siegel wenig beschädigt,
497. Domvikar Johann von Meine (Meynem) gelobt dem
Domkapitel, sein Haus nebst Gemach auf der Schulstrasse keinem
Bürger oder dem Rate Dingpflichtigen zu vermieten, die Anlage von
Toren nicht zu gestatten und etwa vorhandene zu beseitigen« 1382
April 20 (des sondaghes Misericordia domini).
1) unde fehlt im Or.-
