446
Nr. 633— 635.
ampt to Malerten mid alle deme, dat darto hort, mid der vo-
gedie darsulves, mid luden,. mid hoven, mid kotworden, dat liege
wor dat licge, dat darto hord, unde den meygerhof mit veer
hoven belegen to Malerten, mid alle deme, dat darto hord, mid
allerslachten nüd in dorpe, in velde unde in holte vor twintich
lodege mark unde twehundert Hildens. witte unde wichte, de unse
vorvare bisscop Henrik, deme god gnade, Hanse Bocke unde sinen
erven unde dar neist we bisscop Gerd hern Wulvesberge unde Hanse
Bocken, Angnesen Hanses echten vruwen unde Hanses Bockes
erven darvor an besegeld hebben, unde vor sestich mark Hildens.
witte unde wichte, de desse vorbenomde Ordenberch utgelecht
heft to deme gelde, dar we greven Otten van Halremunt, Otten
unde Wulbranden sinen sonen unde oren erven oren verndel
des slotes Eldagessen!) vore affgekoft hebbet. (Rückkauf auf
Walburgis bei Kündigung zwischen Martini und Weihnachten). Were
ok, dat desse vorbenomden greven van Halremunt dat verndel
des slotes Eldagessen van uns unde van unsem stichte weder-
koften na utwisinge der breve, de darup gegeven sint, so scolde
we unde unse nakomelinge Ordenberghe Bocke unde sinen erven
van sinem live geboren de sestich mark wedergeven, Were ok,
dat desse vorgenante Ordenbergh Bok afginge van dodes wegen
ane erven, de van sinem live geboren weren, so heft he dusse
vorserevenen. sestich mark uns unde unsem stichte ledich unde
los gegeven. — — Unde we Eghard domprovest, Johan scol-
mester unde dat capittel to deme döme to Hıldensem bekennet
openbar, dat alle desse vorscrevenen stücke mid unsem willen
unde wulborde geschen sint, unde we hebbet des to orkunde
unses capittels ingesegel by unses vorbenomden heren ingesegel
witliken gehenget laten an dessen bref, de gegeven is na godes
bord dritteinhundert jar in deme veer unde achtigesten jare, in
sente Urbanes dage des hilgen heren.
Gleichzeitige Abschrift in Cop. VI, 8 fol. 24” im Kgl. St.-A. zu Han-
nover. Wörtlich mit wahrscheinlich absichtlichen Kürzungen am Schlusse auch
fol. 277 zu November 2 (in sunte Austachius [!] daghe).
633. Dompropst Eckehard bekundet, dem Domkapitel 35 Mark
zu schulden. 1384 Juni 2.
1) Con. Eldassen
