1373. 
15 
is inobediens, so en mach he unde scal van macht weghene 
desses statutes nicht weder eschen dat ome vorebeholden is, 
wile he was inobediens. Were aver, dat de inobediens wolde 
gan to kore unde to capitele, so scal use here de deken eme 
beden bi horsamme, dat he ga to clostere alse langhe, went he 
vüldo denjenen, de hir vorebenomet sint, umme dat he vorseten 
heft; unde so scal men eme gheven alle distribucien alse enem 
anderen heren unde scal ene liden to kore unde to capitele unde 
to anderen stucken, de de!) godesdenst anrord. Vortmer statuere 
we unde setten to dren jaren to blivende. Weme use here de 
deken to kloster büd, umme dat he nicht ghegheven en heft 
alse hir voresereven is, were dat he leghe to clostere boven 
achte weken unde en dede binnen der tid nicht vül, so en scal 
men eme vorbad nicht gheven alse eneme, dede were inobediens, 
van allen distribucien alse langhe, went he vüllenkomeliken 
vüldeid, unde en mach noch en scal ok nicht weder eschen wat 
eme worde vorebeholden und nicht en were ghegheven binnen 
der tid, alse he inobediens was. Were aver dat dejene, de in- 
obediens worde, dar nicht umme en gheve, dat men eme nicht 
weder en gheve, unde en wolde nicht komen to kore unde to 
capitele eder nicht wolde wesen to Hildensem unde perdurerede 
dar ane twene mande, deme scolde use here de deken dar na- 
volghen mid rechte unde laten ene bannen unde graveren den 
ban unde laten eme vorbeden de participacien. Were ok, dat 
user heren jenech eder vicarius scaden neme in sinem lene eder 
prelaturen, dar he scolde af gheven, dat nein obediencie en were, 
den scaden scal he vorkundeghen binnen achte daghen usen 
heren unde scal den schaden beholden to den hilghen, dat he 
so grod si. So scullen use heren den schaden modereren, unde 
des edes en scal en men ene jo nicht vordreghen unde scal 
eme nene moderacien don, he en hebbe ghesworen. Vortmer 
were ement, he were domhere eder vicarius, de dit statutum 
infringerede, also dat he dorch fruntscap willen reventer, kari- 
taten, win, brod, vigiliepenninghe unde ander stucke alse hir 
voresereven is gheve deme, de inobediens were, deme scolde use 
here de deken also vord to clostere beden, went eme dat vor- 
kundighet worde. In dessem statuto unde serift en scal use here 
) de fehlt im Or.