5 
8 
Nr. 852—857. 
We her Bertolt van Oldendorpe provest tho Dorstad, ver 
Ermegardt van Weverlinge priorinne unde Alheyt unde Grete 
custerinnen, ver Ylsebe unde Gese ammechtvrowen unde de 
meyne sammenynge tho Dorstadt bekennen in dussem openen 
breve unde bethughen vor uns unde unse nakomelinghe unde 
vor allen, de on seyn unde horen lesen, dat we eyndrechtich- 
liken hebbet ghelovet, dat we schullet unde wyllet holden twey 
yartidt. De eyne schal wesen des sondaghes na sunte Matheus 
daghe, de andere dre daghe vor unser leven vrowen daghe lecht- 
missen. Dusse vorghescrevenen jardit schal me beghan myt 
vigilien unde myt zelemyssen alse sick dat behorth, unde de 
erste jartid. dripp sick tho Hanne Waltmans unde Alheyt Pape- 
dusken, de andere drip sick tho Hannen Papedussen. Vor de ersten 
jartid hebbet se uns ghelaten de vorbenoymeden Hanne unde Al- 
heyt drittegede halve mark Brunsw, wytte unde wichte, de syn 
ghekomen in unses goddeshuses ere unde nud, tho dem ersten 
male vi mark vor dat beste gherwant unde iii mark vor dat 
beste missebock unde twe mark vor de stoylen, eyne halve mark 
vor dat ander gherede, dat dartho horde. De anderen jartid 
hebbe we ghelaten Alheyt unde Hanne sustere ii mark Brunsw, 
witte unde wichte unde xviil scepele roghen, de iii mark synt 
ghekomen vor eynen toppet. Dusse vorghescrevenen stucke love 
we stede unde vast tho holden ane arghelist unde hulperede. 
To eyner betteren betuchenisse hebbe we unses closters inghese- 
ghel ghehangen an dussen bref wytteliken unde eyndrechtliken, 
de ghegeven is na goddes borth dusent jar drehundert jar in 
deme achten unde achtensten jare, in sunte Peters daghe na 
mydden sommer des werdighen apostolen. 
Abschrift des 16. Jahrhunderts in Ms. 545 fol. 35 in der Beverinischen 
Bibliothek zu Hildesheim. 
852, Bischof Gerhard belehnt Ernst von der Halle mit dritte- 
halb Hufen Landes am GCalgenberg und dem halben Zehnten im Felde 
des Alten Dorfes, was früher Martin Goldsmet zu Lehn hatte. 1388 
Juli 12 (in deme hilghen avende sunte Margareten). 
Or. im Stadtarchiv zu Hildesheim Nr. 1292 cc. Kleines Siegel des 
Bischofs. — An demselben Tage lässt Martin Goldschmid dem Bischof die 
Güter auf. Or. a. a. O0. Nr. 1292dd, gedr. Doebner, UB. Il, S. 405 Nr. 681.