388 
Nr. 864. 
864. Hans von Schwiecheldt entscheidet einen Streit zwischen 
Bischof‘ Gerhard und der Stadt Goslar wegen der Vogteigelder daselbst. 
1388 November 23, 
Ek her Hans von Swichelte ridder bekenne in disseme 
openen breve vor alle den, de on seen eder horen lesen, dat de 
hocheborne vorste min gnedige here hertoge Otte von Brunswik, 
des ervebesetene man unde ammechtman ek byn to der Hartes- 
borch to disser tyd, my gebod in sinem breve by hulden des 
hilgen rykes unde siner, dat ek scholde eyn rychter syn in syner 
stede in der sake, dar he umme geladen hadde von gebodes. 
unde bevelinge weghene des hilgen rykes den erwerdigen vader 
in god minen gnedigen heren bisscoppe Gherde von Hildensem 
unde sin capitel to antwordene vor ome unde synem ammecht- 
manne, dene he darto sende, umme ansprak unde hinder, de he 
gedan hadde deme rade unde den borgeren von Gosler an deme 
voghedyeghelde darsulves. Unde nach dem male he uppe de 
richtestyd von echter nod weghene darsulven nicht bykomen 
en konde, so heft he my geboden alse vorgescreven is unde 
ghesad to eynem richtere, dat richte to holdende unde to donde 
van des hilgen rykes wegene unde siner in aller macht, alse 
he dat sulven mochte gedan hebben, unde alle stucke, der darto 
nod were van siner weghene to donde, alse de breff wol utwyset, 
dar he my dat inne geboten unde bevolen hefft, Unde alse de 
rychtesdach quam, de neyste söndach na sente Elizabeth daghe, 
alse de ladebreff utwiset, quam de vorbenompde myn here von 
Hildensem to Gosler mit dren sinen domheren, de hirna benomet 
stan, unde ek legede dat rychte upp mit vulborde beyder partye 
wente up den anderen dach, den mandag, dat was sente Clemens 
dach. Unde up densulven mandach na gebode unde bevelinge 
mines vorbenompden heren von Brunswik quam ek up des rykes 
pallas to Gosler unde satte my dar in gherichtes stad, dar by 
my seten de eddelen juncher Otte greve to Halremund, juncher 
Bernd eddele von Dorstad unde her Ordenberch Bock rydder. 
Dar quam myn vorbenompde here bisscöp Gherd von Hildensem 
vor my to gherichte, dar by ome weren dre domheren ute synem 
capitele, her Lyppold von dem Steinberge kelner, here Asschwin 
van Cramme unde her Johan von Sanckenstede aif eyne ziid, 
Hans Gronewold to der tyd borgermester mit den ratluden Hen- 
ninge von Brunswik, Roleve Rosteyn, Arnde Himpteken, Herman