1373. 
49 
del uses erves is unde mer den de gülde, de daraf upgheboret 
is van useme brodere Jacobe, deme god gnade, van alle der tyd, 
dat use vader, deme god gnade, starf. Des hebbe we mit wlbort 
Frederikes uses brodirs, de dat mit us wlbordet unde vor sek 
unde vor Hannes Hout overgift, deme stichte to Hildensem den 
eghendom des deles, dat us Nycolause toboren mach van deme 
sültegüde to Lüneborgh, laten, unde ek Frederik Hout wlborde 
dat vorscreven is unde ok myner sele to troste late ek deme 
atichte to Hildensem dor desser stücke willen, de vorscreven syn, 
den eghendom des deles, dat my toboret van deme sültegüde 
to Lüneborgh. Dit do we Nycolaus aver unde ek Frederik mit 
underschede alle desser stücke, de hir navolghen. "To dem ersten, 
dat ek Frederik unde use veddere Hannes Hout moghen dat güt 
gensliken besitten unde der gülde, de daraf wert, brüken use 
levedaghe unde jüwelik user na der andern dode gensliken unde 
na user beider dode use süster ver Benediete wedeve Hanneses 
Sotmestirs, icht se user Frederikes unde Hannes dot levede. Unde 
were, dat to dessen vorserevenen stücken use vorbenomde süster, 
de van usem vadere uthgeraden was, wlbord na rechte not 
were, dar scholde we Nycolaus unde Frederik to arbeiden dat 
beste dat we mochten, dat se dar nicht wedder were. To deme 
anderen male, dat, wat we Nycolaus Houf unde Frederik unde 
Hans Hout nü schuldich syn yan deme erve unde des erves 
weghene unde wat ok darup ghesat is tynses, dat mach men 
darvan betalen na der antale.!) Unde were des not, dat me 
des güdes darumme wat losen moste, dat mochte we Nycolaus 
edder Frederik edder Hans Hout, wan he to jaren queme, don 
ok na der antale, dat uses unde Frederik de schült anroret. To 
deme dridden male mit deme underschede, icht use here, we 
byscop is to Hildensem, unde ecapitel dat mit willen wlborden, 
icht we Nycolaus domprovest edder Jacob use broder, deme god 
gnade, edder Frederik unde Hannes Hout vorbenomet edder 
jenich user icht plichtich weren van den vorserevenen stücken 
edder anders van user Nycolaus weghene van useme erve edder 
dem, dat we edder se van deme erve upghenomen hebben, dat 
dat icht deme stichte we unde wat we also van deme erve 
edder erves weghene plichtich syn, dat mit oreme willen vor 
1) Folgt Lücke von etwa drei Worten. Es fehlt aber wohl nichts, 
Hildesh. UB. YI.