1399
755
bekennet openbare in dissem breve, dat we hebbet vorkoft Ernste
van Heymbere unde twen synen sonen, broder Ernste monke in
der Predeken orden to Hildensem unde hern Ernste deme wer-
liken prestere eyne mark gheldes vor dritteyn lodighe mark
Hilden. weringe, de we van on upghebort hebbet, unde twey
guldene stucke mede ghetughet hebben. Disse vorserevene mark
gheldes de wille we on unde schult gheven to sunte Michaelis daghe
vort over twey Jar, darna wille we on unde schult se gheven alle jar
uppe sunte Michahelis daghe. Disse mark gheldes schal me one ghe-
ven de wile dat se levet ud usem tegheden to Achtem. Weret aver,
dat me de vorbenomde mark gheldes nicht hebben en konde ute dem
tegheden, so schal me se on gheven ute usem redesten gude, wur
we dat hebben, Wenne aver disse vorbenomden personen ave-
ghan synt als van dodes weghene, so en sint we der vorbenom-
den mark gheldes nemede mer plichtich to ghevende. Ok so
vorplichte we uns in dissem sulven breve eyne ewighe missen
van user leven vrowen to holdende alle jar uppe den dach
Processi et Martiniani der hilghen marteler, unde de vorsere-
vene missen de schulle we eweliken alle jar nach oreme dode
holden alse we de veir missen pleghen to holdende van user
leven vruwen. Unde to der missen schal me gheven achte
schillinge Hilden, penninghe ute dem vorbenomden tegheden
unde schal de delen usen heren, de dar jeghenwordich sint an
der missen. Dyt hebbe we abbet unde covent vorscreven den
vorbenomden personen vor uns unde vor unse nacomelinge be-
zeghelt myt usen inghesegelen. Unde is gheschen na godes
bord dritteynhundert jar in deme twey unde neghentighesten
jare, des hilghen daghes sunte Petri unde sunte Pauli der hil-
ghen apostelen,
Abschrift des 15. Jahrhunderts im Cop. des Godehardikl., Ms. 311
fol. 101 in der Beverinischen Bibliothek zu Hildesheim.
3119. Bischof Gerhard belehnt den Kurd von der Asseburg
und seinen Bruder mit dem Kirchlehn zu Reppner und sechs Hufen
daselbst, die seiner Herrschaft zum Berge durch den Tod des Hein-
rich von Harlingeberg heimgefallen sind. 1392 Juli 2 (in die Pro-
cessi et Mar(tiniani).
Or. im Landeshauptarchiv zu Wolfenbüttel, Siegel verloren, Gedr.
Asseburger UB. II. S. 353 Nr. 1381.
