1365—1369, 
Wr 
‘0. 
’L 
bref sen eder horet lesen, dat we hebbet ghedan unde dot den 
erbaren cnapen Everde unde Corde broderen gheheten van Marn- 
holte unde eren erven usen meygerhof to Rubere mit aller sclac- 
ten nut in dorpe unde in velde, in holte, in watere, in weyde 
to neghen jaren, de nu to sunte Peters daghe, dede het ad 
kathedram, anstande sint, in desser wise, dat se uns alle jar 
binnen dessen neghen jaren ene lodighe mark Hildensemesche 
wichte unde witte to sunte Michahelis daghe scullet gheven van 
deme benomden hove to tinse, Ok scullet se an deme vorscre- 
venen hove vorbuwen ver lodighe mark binnen dessen benomden 
neghen jaren, Wanne aver desse vorbenomden neghen jar um- 
mekomen sint, so scullet dessen vorscreven van Marnholte eder 
ere erven, icht se nicht ne weren, den hof uns weder antwor- 
den mit aller sclacten nut, alse se ene hebben ghehat, ane hinder, 
vortoch unde wedersprake. Unde so sculle we on denne wat 
se darane vorbuwet hebben vor ver mark ghelden, eftet er wer- 
dech is, unde dar enboven nicht. Weret, dat dat bü ergher 
were wenne ver mark, so scolde we datsulve bü ghelden alse 
mene landrecht utwiset, unde dar (en) scullet s(e nicht) weder- 
spreken. Ok bekenne we, dat se mit willen unde vulborde in- 
gheloset hebbet Engelken gud vor achte mark, dat Ghereke hat 
hadde, unde den scapehof vor vif mark unde Baken koten vor 
tuwe mark mit sodaneme underschede, dat we alle jar dit be- 
nomde gud van on weder losen moghen to winachten umme dit 
vorscrevene ghelt, efte we on de lose vore kundeghen to sunte 
Michahelis daghe, unde so scullet se uns dit gud ledich unde 
los in use were antworden to winachten, alze we one ere ghelt 
ghevet, sunder vortoch unde hinder, Vortmer ne scullet se uns 
an useme tinse van useme latgude bulevinge unde beddemunde 
nicht hinderen, dat seullen uns use laten gheven, alse so wente 
hore to ghedan hebbet; dar scullet se uns to vorderen unde 
nicht hinderen, wore se kunnet unde moghet unde uns des not 
is. Ok ne scullet se use lüde nicht bescatten edder büleven 
efte to denste driven, se ne willen dat don mit erem ghuden 
willen. To ener bewisinge unde betughinge alle desse vorscre- 
venen stucke hebbe we dessen bref beseghelt mit uses capittels 
inghesegele, de gheven is na goddes bort dritteynhundert jar 
in deme neghen unde sestighesten jare, in sunte Lucien daghe 
der hilghen jJunchvrowen.