Nr. 9—11.
von Bremen mit dem Einsammeln der Steuer, die Papst Urban V.
den Stiftern, Kirchen, Klöstern und der Geistlichkeit in den Diözesen
Mainz, Prag, Köln, Bremen, Magdeburg, Salzburg, Trier, Basel,
Bamberg und Camin zur Unterdrückung gewisser Feinde des römi-
schen Stuhles auferlegt hat. Bingen 1371 Februar 18.
Or. im Kgl. St.- A. zu Hannover, Erzstift Bremen Nr. 625. Beschädigtes
Siegel des Bischofs.
9. Bischof Gerhard übereignet den halben Zehnten und drei
Hufen in Emmerke den Testamentsvollstreckern des weil. Domherrn
Bertold von Bockenem. 18371 Februar 19.
We Gherard van der gnade goddes unde des stoles to Röme
bischoph des stichtes to Hildensem bekennet unde betüghed open-
bare in desseme breve, dene halven tegheden to Emberke unde
dre höve darsulves, de her Ludolf van Tzellenstede riddere van
uns unde van unseme stichte to lene hadde unde uns de upghesant
heft, unde we desulven upsandinghe dessulven halven tegheden
unde der driger höve ghenomen hebbet van her Aschwine Schenken
riddere unde van Raboden van Wyrthe knapen unses stichtes
mannen unde tovoren van hern Ludolve van Tzellenstede vor-
benomd, des hebbe we mit willen unde mit wlborde unses capitteles
to deme döme to Hildensem dene vorbenomden halven tegheden
unde dre höve to Emberke mit alleme rechte unde mit alle deme,
dat darto hord. buten unde binnen demesulven dorpe van anderme
unses stichtes lengude ghevryget unde ghesundert unde hebbet
denesulven halven tegheden unde dre höve gheeghent unde ghe-
vryged unde eghent se in desseme breve mit alleme rechte unde
tobehoringhe hern Dyderike van Tzellenstede custere to deme
döme to Hildensem, hern Jane van Tzellenstede de sangmestere
uppe sunte Maurieius berghe vor Hildensem, hern Willekine van
der Vechte vicariese to deme döme to Hildensem unde hern Jane
van Borghentrike, totesteren ichteswanne hern Bertoldes van
Bokenum domheren unde archidyakens to Hildensem to deme
denste des allewoldighen goddes unde der reynen maghed Marien
siner moder na begheringhe dersulven totestere ewiliken to
blivende bi deme dome to Hildensem. To openbarer orkunde
desser dingh so hebbe we on dessen bref ghegheven besegheled
mit unseme ingheseghele. Unde we van goddes gnaden Nicolaus
domprovest, Henrie deken unde daft gantze capittel des stichtes