24
Nr. 45—49,
ghevunden eder nicht, he scolde jo döt sin. .Unde we quitet
unde ledighet den bref mit dussem breve, also dat ek eder myne
kindere eder usen erven nummermer ne scullen noch ne willen
manen umme de neghentich mark. Hirto tughe is aver unde
an ghewesen greve Otto van Hallermunt domhere to Hildensem
unde her Wlvesberch Bock ridder. To orkunde alle dusser vor-
screvene stucke hebbe ek Hans Bock vor my unde myne kindere
unde use erven, dat we de stede unde vast holden scullen unde
willen, myn ingheseghele an dussen bref ghehengen. Unde we
greve Otte van Hallermunt domhere to Hildensem unde her
Wlivesberch vorbenomd bekennen openbar in dussem sulven
breve, dat alle dusse vorscrevene stucke uns witlik sin unde
darover unde an ghewesen sint. Des to betughe hebbe we unse
ingheseghele an dussen bref ghehenget. Na godes bord dritten-
hundert jar in deme eynen unde seventighesten jare, des son-
daghes na alle godes hilghen daghe.
Or, im Kgl. St.- A. zu Hannover, Domstift Hildesheim Nr. 921. Die drei
Siegel gut erhalten.
45. Hans Bock bescheinigt den Ersatz alles Schadens, den er
an Amt, Zoll und Zehnten zu Mahlerten erlitten hat. 1371 November 2.
Ek Hans Bock bekenne openbar in dussem breve vor my
unde mine kindere unde use erven, dat we hebben degher unde
al quit unde los ghelaten allen scaden unde unwillen, den uns
bisscop Henrich to Hildensem, dem god gnade, unde sine ampt-
lude unde bisscop Gherd unde sine amptlude unde al des stichtes
voghede unde sunderliken her Tymme Bock unde sine brodere
unde ore hulpere ghedan unde bewised hebben an dem ammechte,
tolen unde tegheden to Mallerten, in dusser wis, dat ek Hans
Bock noch myne kindere noch use erven noch nemant van user
weghen ne scullen noch ne willen dar nummermer vorder up.
saken noch nemanden darumme beschedeghen noch sculdeghen
eder hinderen. Des to orkunde unde bewisinghe, dat we alle
dusse vorscrevenen stucke stede unde vast holden seullen unde
willen, so hebbe ek Hans Bock vor my unde vor myne kindere
unde vor use erven dussen bref beseghelt mit mynem ingheseghele.
Na godes bord drittenhundert jar in deme eynen unde seven-
tighesten jare, des sondaghes na alle godes hilghen daghe.
Or. im Kgl. St.- A. zu Hannover, Domstift Hildesheim Nr. 922. Gut er-
haltenes Siegel an dem von der Urk. geschnittenen. Pergamentstreifen.