498
Nr. 601—-604,
eneme juweliken orer mit aller nut unde vrücht bejaret unde
bedaghet sin unde volghen, dar se dat bescheden hedden. Ok
so hebbe we on desse gnade dan unde hebbet se ghenomen in
unse broderschüp, dat se schult delhaftich wesen in levende
unde in dode al unser guden werk, de we eweliken doyt in
unsem stichte. Unde wanne orer enes edere orer beyder to kort
wert und os dat witlik ghedan wert, denne so schole we se van
staden an beghan mit vilie unde mit selemissen unde screven
se in unse reghelen, Wanne avere des vorbenomten hern Cordes
unde Hennighes to kort gheworden is, so is dit vorbenomte gud
uns und unsem!'!) stichte wedere ledich unde los unde ere nicht.
Unde alle dusse‘ vorsereven stücke unde orer juwelekes sunder-
liken vorplichte we uns unde unse nakomelinghe den benomden
personen twen, hern Corde unde Hennighe, stede, vast unde
umbrocliken to holdende ane arghelist. Unde des to bekantnisse
hebbe we one dessen bref ghegheven bezeghelt mit unsen in-
ghezeghelen des abbetes unde des cappittels vorbenomt. Unde
we Ghert van der gnade goddes unde des stoles to Rome bis-
schop to Hildensem bekennet unde betughet in dussem sulven
breve, dat alle desse vorscrevenen stücke sint ghescheyn mit
unsem guden willen, wisschup unde wulborde, unde willet, dat
se stede, vast unde umbrocliken werden holden unde dar nicht
van dene unsen werden an ghehindert. Unde des to ener be-
bughinghe so hebbe we unse inghezeghele ghehenghet an dessen
oref, Unde is na godes bort ghescheyn dritteynhundert jar
in deme dre unde achteghesten jare, in deme hilghen avende
winachten.
Gleichzeitige Abschrift in Ms. 278 fol. 44 in der Beverinischen Bibliothek
zu Hildesheim.
601. Dietrich von Mandelsloh erteilt Genannten Vollmacht
zur. Verhandlung mit Heinrich von Langeln wegen Pfand. 1384
Tanuar 12
Ik Dyderik von Mandeslo bekenne openbare in desseme
breve, dat ek Siverde Soltawen unde Diderike von Welstorpe
vulle macht gheve von myner weghene to deghedingende mit
Henrike von Langelghen umme de pande von des bisschoppes
) Cop. unse.
