1386.
505
grase, vor twu unde drittich mark Hildemsmesscher witte unde
wichte, de ome dusse vorgescreven her Marten unde Kyne van
Mollem wol unde nutliken betalt hebben, uppe dat beste des
closters unde dat de eghendum des ghudes wedder by unse
stichte kome, also dat se dusses ghudes bruken sculd ore leve-
dage. Were ed nu, dat orer eyn afghinge van dodes wegen,
dat god lange vriste, so scolde de helfte des ghudes ome na-
gelden unde upnemen weme he syn testament bevelde in’sinem
lesten also lange, wend de, deme dat bevelen worde, dat de
dar ver mark utneme. Dat sulve went des anderen to kort
worde van dodes wegen, so scolden ome ok ver mark navolgen,
Were ok, dat jennich schade, de witlik were, van brande, van
hagele, van musheringe, van orleges wegen hir invelle, dat scol-
den ok desulven, deme se or testament bevelen hedden in oren
lesten ende, ok upnemen ane weddersprake unde hinder, Wen
dusse beide vorstorven sint unde de achte mark unde de schade,
eft he velle, upgenomen sind, so scal dut vorscreven gud unser
samnynge dar en bynnen ledich unde los wesen unde dusse
breff ok los wesen. Ok so sculle wy dut gud vorbidden unde
vordeghedingen lyck unses closters ghude. Vortmer heft her
Marten by uns beholden, wen syner to kort wart, so scul wy
syne jartyd beghan myt vigilien unde zelmissen, de wile dat
unse closter steid 1yck unses closters susteren. To eyne beteren
wyssenheyd unde betughinge alle dusse vorghescreven deghedinge
unde artikel to holdende so hebbe wy dussen breff beseghelt
myt unsem ingeseghelen. Unde is gescheyn na goddes gebort
dusent drehundert jar in deme ses unde achtentigesten jare, in
sunte Aghaten dage der hilgen junefruwen.
Or. im Kgl. St..A. zu Hannover, Kl. Derneburg Nr. 106. Siegel der
Pronstei beschädigt. das der Konventes verloren.
720. Abt Hermann des Michaelisklosters bemeiert Henning
mit einem Vorwerk in Seinstedt. 1386 Februar 22.
We Herman van der gnade goddes unde des stoles to Rome
abbet des stichtes to sinte Michahele in Hildensem bekennet in
dussem apenen breve, de beseghelt is myt unsem ingheseghel,
dat wy hebbet ghedan Henninge dem meygere to Senstede unse
vorwerch myt aller tobehoringe buten unde binnen in deme dorppe,
