‚4 
Nr. 85. 
85. Das Domkapitel bestimmt über die regelmässıge Ablieferung 
der Leistungen durch diejenigen, die ein Kirchenlehn haben, zur 
Hebung des Gottesdienstes. 1373 März 2, 
In godes namen amen. We van der gnade godes Nicolaus 
domprovest, Hinrik deken unde dat gantze capitel des stichtes 
to Hildensem allen unde bisundern, de desse stucke, de hirna 
ghesereven stad, anroren unde anrorende sint in der tokomender 
tid, enbeide we heil in demjenen, dede en war heil is aller lude. 
Wante in user kerken ittewelke domheren, vicarili unde ander 
belenede heren sint, de van oren prelaturen, werdecheiden, am- 
mechten, obediencien, vicarien unde anderen lenen to beschedenen 
daghen unde tiden gheven scullen unsen heren vicariesen, leseren, 
opperluden, kemereren, scoleren unde armen luden üppe den kor 
unde ok buten den kor, unde gheved des nicht, hirumme vor- 
gheid use godesdenst unde wert darmede gheminnerd unde had 
unde ummod kümpt hirvan twischen usen heren unde anderen, 
de belened sint mid os, unde tolesten wert use dom alse en 
wüste büw, hirumme sint we begherende desser vorderfliken 
suke to motende, unde setten unde statueren to dren jaren, de 
nü erst komende sint, to blivende mid gantzem willen unde en- 
drachtliken to holdende in user kerken. Welk user domheren, 
vicarius unde de belened is in user kerken in desser tokomender 
tid, hee heite wü hee heite unde in welker achte eder werdechid 
he si, de gheven scal uppe den kor eder buten deme kore gode 
unde sinen hilghen, usen heren, vicariesen, leseren, opperluden, 
kemereren, scoleren eder armen luden van siner prelaturen, 
werdecheit, ammechten, obediencien, vicarien, lenen unde beva- 
linghe uppe beschedene tid unde daghe. En deid hee des nicht 
ande ok des neghesten daghes darna, also dat hee dat vorvulle 
mid der daad, desse gheve si in brode, wine, bere, vlesche ro 
eder gar, honren, vischeen, egheren, kese, korn, lechte eder 
krughele, in penninghen eder an sulvere, so scal hee wesen van 
der macht desses Statutes inobediens, also dat men ene scal 
miden in dem kore, in dem capitele, in missen unde in anderen 
tiden, unde en scal eme ok nicht gheven van al dussen stucken, 
de men to delende unde to ghevende heft, id si in watte stucken 
dat id si, alse hir vorescreven is, wile hee blift inobediens. 
Wanne he ok usen heren unde den vicariesen unde den anderen, 
de dar recht to hebben. vüldeid umme de schult. dar he umme