>" /)
641
963. Dietrich Pennigsack, Goyraf, bekundet den Verzicht
(zenannter auf Güter in Lotberghen zu Gunsten des Kl. Wittenburg.
1390 Juni 5.
Ek Dyderyk Penningsak to dusser tyd gogreve bekenne
unde betughe in desseme breve ghevestent myd myneme inghe-
seghele, dat Hermen Winant kam vor gherichte, dat ek ghe-
heghet hadde in deme radhus to Eldaghessen, unde dede ene
rechte ghanse vorticht eynes meyerhoves unde vif hove landes
unde eyner kotword unde drier wische darsulves to Lotberghen
unde led dar ghensliken af vor sek unde vor sine brodere unde
vor ore erven, Hille Albertes vruwe van Vordie vor sek unde
vor ore kindere, Ilsebe Henninghes wif Enghelken vor sek unde
vor ore kindere, Alheit Hermans wif Winandes, alzo dat se noch
nemant van orer wegen dare up mere saken unde den convent
des closters to Wittenborch darumme beschuldighen noch an-
deghedinghen en schullen noch en willen in jenigherleye wyse.
Unde ek Dyderik Penningsak gogreve vorbenompt antwerdede
myd demesulven ghehegheden gherichte unde van ghehete myd
wlborde unde gudem willen desses vorscreven Hermens unde
Corde Eylerdes gheheten de Winande brodere unde alle desse
vorscrevenen vrowen dat vorbenomde ghut to Lotberghe den
gheystliken heren to Wittenborch in ore brukeliken were mid
aller tobehoringhe unde nüd in dorpe unde in velde myd den
breven, dar on de greven van Halremunt greve Otte unde
jüncher Otte unde juncher Wlbrant sine sone inne ghevriet heb-
bet dit vorbenompte ghut to Lotberghen, dar Albert van Vordye
to dysser tyd radman to Eldaghessen vorspreke to was unde!)
dedinglude by weren her Syverd Bok unde Clawes van Speghel-
berghe to. desser tyd voghet to Eldaghessen unses heren van
Hildensem unde almeynliken de ghanse rad der stad to Elda-
ghessen unde Cord Woldighen to desser tyd radmester to Elda-
ghessen, Albert van der Lippe, rode Johan de Smed borghere
to Eldaghessen unde vele anderer bederver lude, de dar an unde
over weren. Unde we her Syverd Bok unde Clawes van Spe-
ghelberghe unde de rad der stad to Eldaghessen bekennet in
desseme breve, dat we alle desse vorscreven stucke ghehord
unde gheseyn hebbet, dat se myd gudem willen zheschen synt.
I) unde — weren zweimal geschrieben.
Hildash. UB. VI.