1290 
643 
We Johannes deken unde dat ganse capittel des stichtes 
to sünte Mauricies up dem berghe vor Hildensem bekennet 
openbare in desseme breve, dat we hebbet upgheboret unde up- 
ghenomen twey unde twintich mark Hildensemescher wichte 
ande witte van her Bertoldes van dem Campe totesteren, de 
use deken weyst hadde, deme god gnedich sy, unde se in uses 
stichtes nüd ghekart hebbet. Dar hebbe we vore ghelaten unde 
vorkoft vif unde drittich scillinghe Hildensemescher penninghe, 
dar sculle we unde willet vore beghan dessulven her Bertoldes 
memorien unde festum decollacionis Johannis baptiste mid der 
historien Verba viri. Dit sculle we unde use nakomelinghe in desser 
wise holden, dat we scullet gheven eder use kelner to deme vorbe- 
nomeden feste eyn Hildens. punt, dar scal me af gheven jowelkeme 
vicariuse, de dar jeghenwardich is in der missen to deme feste, veer 
Hildensemesche penninghe, deme succentori veere penninghe, deme 
meistere veere penninghe, leme kemerere veere penninghe, deme 
oppermanne veere penninghe, deme custere tweye scillinghe, dat 
he vore on bernen late de cronen up deme chore to der ves- 
pere, to der omelien unde to der homissen dessulven vestes, unde 
den slapscoleren einen scillingh des vorscrevenen geldes, Unde 
dat hir boven is van deme Hildens. punde, dat scullet delen use 
heren, dede jeghenwardich sint in der missen to demesulven 
feste. Unde to des vorbenomeden her Berteldes memorien vif- 
teyn. Hildens, scillinghe, dar scal hebben jowelk vicarius, de dar 
jeghenwardich is in der vigilie unde selemissen, dre Hildens. 
penninghe, deme kemerere dre penninghe, deme oppermanne dre 
penninghe, unde deme custere einen Hildens. scillingh, dar scal 
he vore setten eyn waslecht to der vigilien unde selemissen, 
Unde dat ander gelt van den vifteyn scillinghen dat scullet use 
heren, de dar ın der vigllie unde selemissen jeghenwardich sint, 
delen. Ok hebbet de vorscrevene totestere uns unde useme stichte 
de gnade dan, dat we eder use nakomelinghe moget alle jar de 
vorscrevenen vif unde drittich scillinghe afkopen vor twey unde 
twintich mark Hildensem. witte unde wichte up sunte Mertens 
dach dat gelt to betalende. Unde wanne de betalinghe also 
schen were, so scolde we eder use nakomelinghe mid den to- 
testeren, eft se leveden, andere ewige gulde kopen vor dat vor- 
benomede gut, dat de vorscrevenen memorie unde fest eweliken 
im user kerken jo beghan werden — —,. WUnde is gheschen 
41%