re ot 2
ı 53%,
6925
aller nuth unde tobehorynge — — vor vertich pund Honover-
scher penninghe Hinrike Prise borgere to Honovere, synen
erven unde deme, de den bref heft ane ore wedersprake, den he
Ludeke Morberch vorbenomd on darup beseghelt ghegheven
heft, unde antworde on dat ghüd in ore nüthsamen were ledich
unde los, alse vryes güdes recht is, unde wolde on des rechte
warent wesen, wor on des nod were. Vortmer bekande de vor-
screvene Ludeke, wan he na dessen neghesten tokomenden ses
jaren to sunte Johannes daghe to myddensomere deme vorbe-
nomden Hinrike Prise, synen erven eder deme, de den bref, den
he on darup beseghelt heft, hedde ane ore wedersprake, de lose
vorekundighede, so wolde he darna to deme neghesten tokomen-
den sunte Michelis daghe dit vorscrevene ghüd van on weder
losen vor vertich punt Honoverscher penninge sunder vortoch
unde unbeworn. Ok bekande he, weret, dat Hinrik Prys vor-
benomd eder anders we van syner weghene dit vorscrevene
gud wormede vorbeterd hedden myd buwende eder anders wor-
mede, dat scholden de bür in dem dorpe to Sende werderden
na der bürkore, unde wo ho se dat werderden, dat welde he on
wedergheven to den vorscrevenen vertich punden, wan he dat
güd van on weder losede. Unde weret ok, dat se ard behelden
in dem vorscrevenen güde, de wolde he on ok ghelden to der-
zulven tyd sunder wedersprake. Alle desse vorscrevenen stucke
schüden vor dem vryendinge unde gherichte, dat ek zad alse
vorsereven steyd, dar veler vrien unde bederve lude mede an
unde over weren, unde Ludeke Morberch vorbenomd wilkorede
unde lovede de vor sek unde vor syne erven in aller wise, alse
vorscreven steyd, in ghuden truwen to holdende. Vortmer ek
Heyneke Jordens gogreve to dem Hasle bekenne opembare in
dessem zulven breve under mynem inghesegele, dat ek en recht
vorspreke ghewesen hebbe to desseme vorserevenen gherichte.
Unde we Hinrik van Bevelte knape und Heyneke Beseke be-
kennet in dessem breve, dat we rechte dynglude to den vor-
screvenen stucken in gherichte ghewesen hebbet, unde hebbet
des to tüghe use inghesegele ok ghehenget an dessen bref,
Gheven na godes bord xilice. jar in deme ver unde neghenti-
ghesten jare, in crastino Martini episcopi.
Or. im Kgl. St.-A. zu Hannover, Kreugstift Nr. 412. Die vier Siegel
verloren. — Die Urk., des Ludeke Morberch von September 30 (in erastino
