532 
Nr. 1270—1271. 
1270. Das Kl. Wöltingerode verschreibt der Küsterin Lucia 
und der Nonne Walburg Cruse für die zum Ankauf von Gütern 
in Stöckheim vorgeschossenen drei Mark eine Rente. 1394 Dezember 27. 
We Reghelind ebdesche, Zacharia priorend unde de gantze 
samninge des gheistliken closters Woltingerode unde Lange 
Heine amptman dessulven closters bekennet openbar mit dussem 
breve vor uns unde unse nakomelinge, dat we hebben upghe- 
nomen van Lucien custerinnen unde Wolborghe Crusen closter- 
vrouwen unses vorscreven closters dre lodighe mark Goslerscher 
wichte unde were, dar we mede unde mit anderme ghelde ghe- 
koft hebben dat gud to Stokkem van den edelen van Dorstad. 
Unde desulven van Dorstat hebben sek de gnade beholden, dat 
se unde ore erven datsulve gud, wenne on dat bequeme is, en 
verndel jares vor to seggende vor datsulve ghelt, dar we id on 
umme afkoften, wedderkopen moghen na utwisinge des breves, 
den se uns darup ghegheven hebbet, unde ene mark gheldes 
Brunsw. wichte unde were in der molen to Hynnige. Ut dussem 
vorgenanten gude schulle we unde willet unde unse nakomelinge, 
wenne we nicht en sint, de vorscreven Lucien unde Wolborghe 
allejarlikes dewile se levede uppe sunte Mertines dach tosamen 
gheven enen verding Goslerscher wichte unde were. Und wan 
orer en van dodes weghen afgheid, so scal des doden del ghel- 
des van des verdinges weghen vallen an den levendighen. Wen 
aver de vorsereven Lucia und Wolborch beyde van dodes weghen 
afghegan sind, so scal men van dem vorscreven verdinge des 
sondaghes to palmen unsen vrouwen denen na unses closters 
wonheit. Unde dat scal denne ewich bliven, dewile unse unde 
unses closters samninge waret, Unde weme dusse bref bevalen 
wert, deme schulle we unde willet unde unse nakomelinge, 
wenne we nicht en sind, gheven densulven verding; de scal 
denne den schikken alse vorscreven steid dewile he levet. Unde 
de bevelinge scal stan dewile dat unse closter unde samninge 
waret, also dat en dem andern bevelen mach in unsem closter 
mit dussem breve. To bekantnisse dusser vorscereven stukke 
dat de stede unde vast bliven, hebbe we Reghelind ebdesche 
vorsereven unse unde unses closters ingheseghele‘ henget laten 
an dussen bref. Unde ik Lange Heine vorscreven bekenne dusse 
vorscreven stukke alse en amptman to der tyd under dessulven 
closters ingheseghel, wente ik nen eghen en hebbe. Na goddes