206
899
to sunte Michaele nicht mer darumme tospreken noch anclagen
noch beschedigen en schullen, Unde vor desse veftich mark
schal men hern Jacope in sine were antwerden unde hern Hilmere
van Oberge domheren to Hildensem to truwer hand ore neghen
hove landes, de se hebben to Bethelem myd aller nut unde to-
behoringhe, also dat se der rouwelken bruken moghen unde
schullen also langhe, dat desulve her Jacop vorbenomet myd
des abbetes unde conventes rade unde hulpe kunne vorkopen
desulven neghen hove to twen lyven vor veftich lodige mark
vorbenomet. Unde dejenne, de dat gud kopen, scholen dem
abbete unde convente vorbreven, wan orer van dodes wegen to
kort werde, dat de vorscereven neghen hove dem stichte ane
jenigerleye hinder weder ledich unde los werden, unde dat
schullen se to beydent syden truwelken arbeyden, Vortmer schal
he ome bevelen de custerye, alse de nu to tyden is, unde schal
de truwelken unde wol vorhegen unde vorwaren, alse de breve
utwiset, de darup ghegheven sint, unde men schal one gensliken
setien in sine provene unde recht, alse he vor ghehad hadde,
Were ok, dat hern Jacope jement icht to tosecghende hedde
adder würumme schuldiget worde, dar schal he to antwerden
vor sinem abbete unde correxien unde disciplinen darumme lyden
alse eyn ander monik na wonheyd unde rechte des closters unde
horsam sin, alse eyn monik sinem abbete van rechte schal.
Darup schal her Jacop alle veyde, de sine vrunt eder jemant
van siner wegen ghedan heft, gensliken afdon under der inge-
segele, dar on under entsecht is. Unde dat schal an beydent
syden eyn gans vruntschap unde zöne wesen. Hirup schal her
Jacob den bref, den wy unde hertoge Frederik ome ghegheven
hadden, uns weder antwerden. Des to bekantnisse hebbe wy
anse ingesegele ghehenghet laten an dessen breff. Gheven na
godes bort dritteynhundert jar in deme sesse unde negentigesten
jare, in dem hilgen dage sunte Barnabe des hilgen apostels.
Or. im Kgl. St.-A. zu Hannover, Michaeliskloster Nr. 256, Bruchstück
des Siegela des Abtes. — Die Urk. Gerhards und des Herzogs Friedrich vgl,
oben Nr. 1357.
1386. Die Städte Goslar, Braunschweig, Hildeshein, Einbeck
und Helmstedt machen ein Bündnis gegen die westfälischen Gerichte,
gegen die Ladung vor die geistlichen Gerichte und gegen die in ihnen
