LIBER Y. 
45 
5 
10 
5 
10 
15 
LIBER QVINTVS. 
IDEM POETA. 
Aesopi nomen sicubi interposuero, 
Cui reddidi iam pridem quicquid debui, 
Auctoritatis esse scito gratia: 
Vt quidam artifices nostro faciunt seculo, 
Qui pretium operibus maius inveniunt, novo 
Si marmori adscripserunt Praxitelen suo, 
Trito Myronem argento, tabulae Zeuxidem. 
Adeo fucatae plus vetustati favet 
Invidia mordax quam bonis praesentibus. 
Sed iam ad fabellam talis exempli feror. 
PABYLA I. 
DEMETRIVS REX ET MENANDER POETA. 
Quomodo saepe fallatur hominum iudicium. 
Demetrius, qui dictus est Phalereus, 
Athenas occupavit inperio inprobo. 
Vt mos est vulgi, passim et certatim ruit 
„Feliciter!" succlamans. Ipsi principes 
Illam osculantur, qua sunt oppressi, manum, 
Tacite gementes tristem fortunae vicem. 
Quin etiam resides et sequentes otium, 
Ne defuisse noceat, repunt ultimi; 
In quis Menander, nohilis comoediis, 
Quas ipsum ignorans legerat Demetrius 
Et admiratus fuerat ingenium viri, 
Vnguento delibutus, vestitu fluens, 
Veniebat gressu delicato et languido. 
Hunc ubi tyrannus vidit extremo agmine: 
Quisnam cinaedus ille in conspectum meum 
Audet venire? Responderunt proximi: 
Hic est Menander scriptor. Mutatus statim: 
Homo, inquit, fieri non potest formosior.