LIBER V. 
49 
Vt spectatorum mos est, id lepidum genus 
Desiderare coepit, cuius flatibus 
Solebat excitari saltantis vigor. 15 
Erat facturus ludos quidam nobilis. 
Vt incipiebat ingredi Princeps, eum 
Adducit pretio precibus, ut tantummodo 
Ipso ludorum ostenderet sese die. 
Qui simul advenit, rumor de tibicine 20 
Fremit in theatro. Quidam adfirmant mortuum, 
Quidam in conspectum proditurum sine mora. 
Aulaeo misso, devolutis tonitribus 
Di sunt locuti more translaticio. 
Tunc chorus ignotum modo reducto canticum 25 
Insonuit, cuius haec fuit sententia: 
„Laetare, incolumis Roma, salvo Principe!“ 
In plausus consurrectum est. lactat basia 
Tibicen; gratulari fautores putat. 
Equester ordo stultum errorem intellegit SO 
Magnoque risu canticum repeti iubet. 
Iteratur illud. Homo meus se in pulpito 
Totum prosternit. Plaudit inludens eques. 
Rogare populus hunc coronam existimat. 
Vt vero cuneis notuit res omnibus, 35 
Princeps, ligato crure nivea fascia, 
Niveisque tunicis, niveis etiam calceis, 
Superbiens honore divinae domus, 
Ab universis capite est protrusus foras. 
FABVLA VIII. 
TEMPVS. 
Cursu volucri, pendens in novacula, 
Calvus, comosa fronte, nudo occipitio, 
(Quem si occuparis, teneas; elapsum semel 
Non ipse possit Iuppiter reprehendere,) 
Occasionem rerum significat brevem. 6 
Effectus inpediret ne segnis mora, 
Finxere antiqui talem effigiem Temporis. 
rilAEDItVS. 
4